Një vëzhgues i LDK-së është larguar nga një qendër e votimit në Vushtrri, pasi i njëjti thuhet të ketë qenë kandidat për asamble komunale.
Menaxheri i kësaj qendre votimi në Vushtrri, Ardian Jashari tha se personi në fjalë ka ardhur në shkollë me dokument identifikues.
“Personi në fjalë ka ardhur në shkollë me dokument identifikues, është pranuar nga kryesuesi i vendvotimit dhe pastaj kemi pasur ankesa lidhur me këtë rast, kemi kontaktu me KKZ-në Vushtrri dhe jemi dakordu që i njëjti të largohet”.
“Kam biseduar me personin në fjalë dhe i njëjti është larguar pa asnjë problem”, u shpreh ai.
Njëri prej koordinatorëve në qendrën e votimit ka thënë se Behar Duraku ka qenë i pajisur me të gjitha dokumentet dhe i ka kryer procedurat e nevojshme për të qenë vëzhgues në balotazh, pasi i njëjti nuk ka fituar ulëse në Kuvend dhe është larguar nga kjo garë dhe aty ka shkuar vetëm si vëzhgues i LDK-së.
