LDK në Mitrovicë organizon homazhe me rastin e 23 vjetorit të rënies së Prof. Latif Berishës dhe Agim Hajrizit

Me rastin e 23 vjetorit të rënies së atdhetarëve të shquar për liri, pavarësi dhe demokraci prof. Latif Berisha, kryetar i Lidhjes Demokratike të Kosovës dega në Mitrovicë dhe Agim Hajrizit, kryetar i Kuvendit të Bashkimit të Sindikatave të Pavarura të Kosovës, Lidhja Demokratike e Kosovës, ka njoftuar se më 24 mars në ora 10:30 do të bëjë homazhe tek varri i prof. Latif Berisha në fshatin Smrekonicë, shkruan Mitropol.

Prezent në homazhe siç bëjnë të ditur nga dega e Mitrovicës do të jenë edhe përfaqësuesit nga kryesia qendrore e partisë.

Lavdi jetës dhe veprës së figurave të ndritshme që dhanë shumë për Mitrovicën dhe shtetin e Kosovës!