Letonia reagon pas sulmit ndaj ushtarëve letonezë në Zubin Potok
Ministria e Mbrojtjes e Letonisë ka reaguar pas sulmit ndaj ushtarëve letonezë të KFOR-it në veri të Kosovës.
Përmes një postimi në Twitter kjo ministri ka thënë se ushtarët letonezë të KFOR-it janë përballur me të shtëna armësh në veri të Kosovës të dielën.
“Të dielën, më 25 dhjetor, të shtëna ka pasur në drejtim të paqeruajtësve letonezë teksa ata po kryenin një patrullë në Kosovë. Nga ngjarja nuk ka viktima. Policia e Kosovës dhe NATO_KFOR kanë nisur hetimet”, thuhet në postimin në Twitter.
Ndërkohë, gjatë mbrëmjes të së dielës, afër një patrulle të KFOR-it ka pasur të shtëna, nga të cilat nuk ka pasur të lënduar dhe as dëme materiale.
