Mbahet akademi përkujtimore me rastin e 1 vjetorit të vdekjes së veteranit të UÇK-së, Eset Ujkani
Nën patronatin e kryetarit të komunës, z. Bedri Hamza, në bashkëpunim me Shoqatat e Dala nga Lufta e UÇK-së, do të mbahet akademi përkujtimore kushtuar 1 vjetorit të vdekjes së veteranit të UÇK-së, brigada 142 Zosh, Eset M. Ujkani.
Akademia përkujtimore mbahet me datë 13.12.2021, duke filluar nga ora 13:00, në Qendrën e Kulturës “Rexhep Mitrovica”, në Mitrovicë.
Para se të filloj Akademia, në ora 12:00 fillimisht do të bëhen homazhe tek varrezat e dëshmorëve në Shipol të Mitrovicës, thuhet në njoftimin e komunës.
