Milorad Dodikut i hiqet mandati si President i Republikës Sërpska
FILE PHOTO: Bosnian Serb leader Milorad Dodik attends a meeting with Russian President Vladimir Putin in Moscow, Russia, May 23, 2023. Sputnik/Alexey Filippov/Pool via REUTERS/File Photo
Në seancën e Komisionit Qendror Zgjedhor të Bosnjës dhe Hercegovinës, Milorad Dodikut iu hoq mandati si President i Republika Sërpska, shkruan Mitropol.
Mbrojtja e Dodikut ka të drejtë të apelojë këtë vendim në Divizionin e Apelit të Gjykatës së Bosnjë e Hercegovinës, i cili shqyrton ankesat zgjedhore. Pas përfundimit të procesit të apelimit, vendimi do të jetë përfundimtar.
Një ankesë mund të paraqitet brenda dy ditëve nga marrja e vendimit.
Sipas mediave boshnjake, pas formës së prerë të vendimit të sotëm, KQZ-ja do të marrë vendim për shpalljen dhe mbajtjen e zgjedhjeve të parakohshme.
