Mitrovicasi e rrahu dhe mbajti ‘të ngujuar’ ish-gruan e tij në banesë, ajo shkoi ta merrte vajzën

Një rast i detyrimit dhe dhunës ka ndodhur më 5 korrik në Mitrovicë.

Një grua ka raportuar dje në Policinë e Kosovës ish-bashkëshortin e saj, pasi e njejta para 4 ditësh është sulmuar nga ai në banesën e tij, njofton Mitropol.

“Ajo kishte shkuar ta marr vajzën e saj që e kishte nga bashkëjetesa me të dyshuarin për ta dërguar te mjeku.”, thuhet në raportin e Policisë, bazuar në deklaratën e viktimës.

Sipas viktimës ajo nga i dyshuari pa vullnetin e saj ishte mbajtur në banesë, i cili ia kishte maltretuar edhe vajzën.

I dyshuari nuk është hasur nga policia, në konsultim me prokurorin është inicuar rasti dhe vazhdon të hetohet./Mitropol/