Një nxënës i shkollës ekonomike therri një vajzë të mitur me thikë javën e kaluar në Mitrovicë

Veriu i Mitrovicës vazhdon të mbetet zonë e trazuar ku fuqia e ligjit është shumë e dobët.

Dy persona mbetën të plagosur pas të shtënave me armë në një kafene në veri të Mitrovicës mbrëmë.

E hiç më larg se javën e kaluar në Mitrovicën Veriore ndodhi një rast tjetër tejet i rëndë, i cili nuk u raportua në mediet shqipe, njofton Mitropol.

Një nxënës i shkollës ekonomike në veri të Mitrovicës therri një vajzë të mitur, me një mjet të mprehtë, që dyshohet të ketë qenë brisk.

Rastin e kishte konfirmuar edhe Policia e Kosovës, të cilët kanë theksuar se viktima kishte shpëtuar me lëndime të lehta trupore.

Studenti N.K, 18 vjeç, sipas policisë, kishte goditur me thikë të miturën L.M.  dhe i kishte shkaktuar lëndime të lehta trupore.

“E mitura është jashtë rrezikut për jetën”, thuhej në raportin e policor. /Mitropol/