Një person arrestohet në Mitrovicë pasi dyshohet se shkaktoi zjarr duke hedhur cigaren e ndezur
Një person është arrestuar në Mitrovicë, pasi dyshohet se ka shkaktuar zjarr duke hedhur një cigare të ndezur në zonën e Tunelit të Parë, shkruan Mitropol.
Sipas Policisë, ngjarja ka ndodhur gjatë ditës së djeshme rreth orës 12:00, ku një burrë është ndaluar nga policia pas incidentit, derisa zjarrëfikësit kanë dalur menjëherë në vendin e ngjarjes për të shuar zjarrin.
Pas intervistimit, me vendim të prokurorit, i dyshuari është dërguar në mbajtje.
