KOSOVËLAJME

Opozita i bie pishman, ia heq vijat e kuqe VV-së

Me afrimin e zgjedhjeve të reja po ndryshon edhe qëndrimi i opozitës ndaj partisë në pushtet. Ndonëse më herët, PDK-ja, LDK-ja dhe AAK-ja i kishin vendosur vija të kuqe partisë së Albin Kurtit, tani duket se i kanë rënë pishman.

Zyrtarët e dy partive më të mëdha opozitare kanë bërë me dije se nuk kanë vija të kuqe për asnjë partive politike. Ani pse kanë vlerësuar se një bashkëpunim në VV-në pas zgjedhjeve të ardhshme do të jetë i vështir, ata nuk e kanë përjashtuar një mundësi të tillë, raporton gazeta Nacionale.

Florenti Company
Market Florenti
Koha
Market Florenti

Kryetari i PDK-së, Memli Krasniqi, ka treguar se partia e tij nuk ka vije të kuqe për asnjë subjekt politik e as për Lëvizjen Vetëvendosje.

Në një intervistë për emisionin “Debat Plus” në RTV Dukagjini, ai ka thënë se kjo partia tradicionalisht kanë qenë kundër vijave të kuqe.

A ke dëgju najherë në jetën tane qe sa mirresh me gazetari najkon prej PDK-së, prej Thaçit e deri te unë, që ne kemi vija të kuqe për dikënd? Jo. Ne e kemi njëfarë parimi që është pjesë e trashëgimisë tonë politike. Duke i ekskominukuar partitë ne do t’i ofendonim votuesit e asaj partie, që shqiptarë janë. Mund të jenë familjarë jam. Me ju thanë vijë të kuqe, është armiqësim”, ka thënë Krasniqi.

Megjithatë, ai ka mohuar se në takimin e fundit me kryeministrin Albin Kurti ka folu për koalicionin e ardhshëm Qeverisë.

Kush po flet për koalicione, pse po ma ndërron temën?… Unë dua zgjedhje, s’ka qenë kjo kërkesë e Albin Kurtit e fatkeqësisht as e kolegëve të opozitës. Kjo është qëllimi jem me pru një qeveri që udhëheq Bedri Hamza”, ka thënë Krasniqi.

Edhe shefi i Grupit Parlamentar të LDK-së, Arben Gashi ka thënë se partia e tij nuk ka vija te kuqe.

Ai ka bërë me dije se LDK-ja në zgjedhjet e ardhshme do të garojë e vetme, por pas zgjedhjeve është e hapur për bashkëpunim me partitë tjera.

Unë vazhdimisht e kam thënë jemi parti opozitare, por nuk jemi koalicion opozitare, nuk kemi asnjë lloj formalizmi të bashkëpunimit opozitare apo për ndonjë bashkëpunimi të ardhmen e afërt parazgjedhor. Si shef i GP-së të LDK-së, kam përjashtuar mundësinë e çfarëdolloj koalicioni parazgjedhor me partitë parlamentare aktuale”, ka thënë Gashi për gazetën Blic.

Sipas tij, për LDK-në e rëndësishme është që të marr rezultat maksimal në zgjedhje.

Pas zgjedhjeve nuk ka asnjë lloj vije të kuqe për asnjë parti, për ne është me rëndësi që të marrim rezultatin maksimal për LDK, dhe mbi bazën e kësaj pastaj do të hartojmë programin qeverisës më këdo që e konsiderojmë si të arsyeshëm, të mundshme për të qeverisur, një qeverie stabile, zhvillimore , të perspektivës, një qeveri që i hap horizonte Kosovës do të jetë e mirëseardhur.”, është shprehur Gashi.

Pse ndryshuan qëndrim?

Para disa muajsh, partitë opozitare kishin tjetër qëndrim. Ato refuzonin çdo bashkëpunim me VV-në pas zgjedhjeve të ardhshme.

Shefi i Grupit Parlamentar të PDK-së, Abelard Tahiri, kishte thënë se kjo parti është e vendosur që të mos bëj koalicion më VV-në.

Unë sot nuk mund të them se ka dakordim me qenë në Qeverinë e ardhshme. Mirëpo, ajo që e shoh si frymë brenda kësaj opozite është që asnjë parti parlamentare politike në vendin tonë, që janë tri në opozitë, nuk kanë vullnet që në qeverinë e ardhme të jenë me Lëvizjen Vetëvendosje”, ishte shprehur Tahiri në emisionin “Pressing”.

Ai ishte shprehur i bindur se ketë gjë nuk do ta bëjnë as partitë tjera.

“PDK-ja po ta them me siguri të plotë, mirëpo nuk e shoh asnjë parti tjetër opozitare që janë të gatshme me hy. Më së paku e shoh LDK-në, meqenëse po me vetni. Për faktin e përvojës që e kanë pasur në periudhën afatshkurtër me ta”, ishte shprehu ai.

Edhe kryetari i LDK-së, Lumir Abdixhiku, më herët kishte thënë se në asnjë rrethane LDK-ja nuk do të hyjë në koalicion me VV-në.

Në një intervistë për gazetën Nacionale, ai pati deklaruar se si e dyta LDK-ja nuk hy në qeveri.

Jo, në asnjë rrethanë. LDK-ja nuk bëhet pjesë e asnjë qeverie ku është e dyta. Ne e kuptojmë vlerësimin qytetar nëse na vjen i tillë, por nuk kemi llogaritje të tilla. Jemi në përpjekën për të shtuar alternativen tonë që është autoktone për bindjen tonë dhe në leximin tonë është e domosdoshme për të ardhmen e Kosovës dhe do të na duhet punë”, ishte shprehur Abdixhku.

Ndërsa, nënkryetari i AAK-së, Ardian Gjini, kishte deklaruar se kjo parti ka edhe vendime partiake për këtë çështje.

Po flas për Aleancën. Nuk e kemi as në mendje me u bo gati me hy në koalicion me Vetëvendosjen. As që mendojmë për atë punë. Bile bile kemi edhe vendime për atë punë. Pra, kemi vendime që nuk bën më shku në këtë drejtim. Edhe kryetari Haradinaj, edhe shumica prej nesh e kemi thanë se ne jemi të hapur dhe mendojmë se duhet me pas koalicione të partive në opozitë”, ishte shprehur Gjini në një intervistë në “Pressing”./Nacionale/