Po trajtohej në QKUK si pasojë e kequshqyerjes, ndërron jetë foshnja 5-muajshe nga Mitrovica

Një ngjarje e rëndë ka ndodhur mbrëmë, ku një foshnjë 5-muajshe që po trajtohej që dy ditë në Qendrën Klinike Universitare të Kosovës, ka ndërruar jetë.

Burimet e Gazetës Sinjali brenda QKUK-së kanë bërë me dije se foshnja fillimisht ishte trajtuar në Mitrovicë, por për shkak të gjendjes së rëndë, ishte transferuar në QKUK.

Sinjali mëson se shkaku që dyshohet të ketë përkeqësuar gjendjen e foshnjës, është kequshqyerja dhe pavarësisht intervenimit të mjekëve, ajo nuk ka arritur që të mbijetojë.

Lidhur me rastin është njoftuar edhe Policia e Kosovës, të cilët kanë dalë në vendin e ngjarjes, mirëpo nuk ka shumë të dhëna për foshnjën, nëna e së cilës është shtetase e Shqipërisë.

Me urdhër të prokurorit, rasti është cilësuar ‘Vdekje e dyshimtë’.