LAJME

Serbia arr*eston vëllain e ish-nënkryetares së Leposaviqit, shkak bashkëpunimi me AKI-në

Sigurimi serb në Rashkë ka arrestuar, Dragan Aksentijeviq, mbi dyshimet se bashkëpunonte me Agjencinë e Kosovës për Inteligjencë.

Mediumi serb, Alo, raporton se Aksentijeviqit i është caktuar edhe masa e paraburgimit deri në 30 ditë.

Koha
Market Florenti
Florenti Company
Market Florenti

Ai njihet edhe si vëllai biologjik i ish-nënkryetares së komunës së Leposaviqit, Dragana Miletiq, për të cilën hetimi supozon se i ka ndihmuar me gjithë zemër në spiunim në llogari të kryeministrit Albin Kurti, shkruan gazeta serbe, transmeton Klan Kosova.

Sipas të dhënave të siguruara nga autoritetet hetuese serbe, në gjashtë muajt e fundit, Aksentijeviq veçanërisht ka intensifikuar aktivitetet e natyrës inteligjente dhe subversive me mikun e tij të vjetër Milan Vukashinoviq, i njohur si Duduk, nga Leposaviqi.

Që të dy, me urdhër të drejtpërdrejtë të Agjencisë Kosovare të Inteligjencës dhe Policisë së Kosovës kanë vepruar në zonën e pjesës veriore të Kosovës, kryesisht në zonën e komunës së Leposaviqit, thuhet tutje.