Sherr në shkollën “Bislim Imeri” në Kçiq të Madh, të premten u ndërpre mësimi pas zënkës mes u.d drejtoreshës dhe mësimdhënëses

Tri ditë më parë “Mitropol” raportoi për një rast skandaloz në shkollën “Ali Kelmendi” në Vushtrri, ku drejtoria e shkollës tentoi t’i dërgonte fëmijët e ciklit parashkollorë në kishën peotestante në Vushtrri për dhuratat e fundvitit pa njoftimin e prindërve.

E rasti tjetër u regjistrua në Kçiq të Madh.

Mësimi në shkollën fillore “Bislim Imeri” në Kçiq të Madh të Mitrovicës u ndërpre ditën e premte. Procesi mësimor vazhdoi vetëm deri në ora 10:00, gjersa nxënësit e ndërrimit të pasdites nuk mbajtën mësim fare, mëson “Mitropol” nga burimet e veta.

Shkak për ndërprerjen e mësimit dyshohet të ketë qenë një zënkë verbale mes ushtureses së detyrës së drejtoreshës së shkollës, Ardita Brahimi dhe mësimdhënëses Sala Hasani.

Kjo zënkë siç mëson “Mitropol” erdhi pas peticionit të nënshkruar nga arsimtarët e shkollës për shkarkimin e u.d drejtoreshës në fjalë të dorëzuar në Drejtorinë e Arsimit, pasi këta të parët siç thanë disa dëshmitarë për “Mitropol” vlerësojnë se emërimi i Brahimit në këtë detyrë ishte politik i shtyrë nga PDK dhe po tentohet që e njejta të emërohet drejtoreshë në këtë shkollë ku ushtron detyrën. E kjo pastaj bëri që drejtoresha të konfrontohej me arsimtaren në fjalë.

Por, duket se përkundër arsimtarëve, drejtoresha gëzon mbështetjen e bashkëfshatarëve të saj nga Kçiqi.

Një faqe në Facebook me emrin Kçiq i Madh duke u thirrur në emër të Këshillit Prindëror të shkollës ka njoftuar se nesër paradite nga ota 11:00 do protestojnë në ballkonin e shkollës kundër arsimtarëve, të cilët ai po i akuzon se e ndërprenë mësimin në mënyrë të organizuar.

Mësimi në shkollë duket se nuk do mbahet me rehati as të martën, pasi kjo faqe që prezanton kërkesat e këtij grupi që po thirren në emër të këshillit prindëror do protestojnë nga ora 11:00./Mitropol/