Arrestohet një person në Vushtrri, dyshohet se ushtroi në vazhdimësi dhunë fizike ndaj një gruaje
Një person është arrestuar nga Policia e Kosovës në Vushtrri.
Sipas organeve të rendit, i njëjti është arrestuar nën dyshimin se në vazhdimësi ka ushtruar dhunë fizike ndaj një gruaje.
“Me vendim të prokurorit, i dyshuari është dërguar në mbajtje. Rasti është regjistruar si “lëndim i lehtë trupor”, thuhet në njoftim.
Po ashtu, në raportin 24-orësh thuhet se rasti ka ndodhur më 1 nëntor të këtij viti, ndërsa i dyshuari është arrestuar dy ditë më vonë.
