Sot Prokuroria e Mitrovicës i cakton masën e paraburgimit të dyshuarit për vrasjen në Skenderaj
Sot do të mbahet seanca për caktimin e masës së paraburgimit ndaj Sh.R., i dyshuar për vrasjen në Skenderaj.
Prokuroria Themelore në Mitrovicë bëri të ditur se kërkesa për caktim të masës së paraburgimit është bërë të dielën.
Të shtunën në mbrëmje, 47-vjeçari me inicialet B.M., dyshohet se u vra nga fqinj i tij, në fshatin Baks të Skenderajt. Gjithçka dyshohet se nisi si pasojë e një zënke të çastit.
47-vjeçari, i cili kishte ardhur për pushime nga Austria, mbeti i vrarë si pasojë e plumbave që dyshohet se u shkrepën nga fqinji i tij me inicialet SH.R.
Nga gjuajtjet me armë, plagë mori edhe i dyshuari bashkë me një person tjetër, që u dërguan për trajtim në Qendrën e Klinikës Universitare të Kosovës në Prishtinë.
