Tahiri: Nuk votohet Hekuran Murati, la jashtë pagës minimale veteranët, familjet e dëshmorëve dhe invalidët e UÇK-së
Abelard Tahiri i PDK-së, thotë se nuk mund të votohet Hekuran Murati sepse trashëgimia e tij si ministër, është lënia jashtë pagës minimale e tri kategorive më të lavdishme të shoqërisë sonë, shkruan Mitropol.
Sipas Tahirit Murati ka përjashtuar nga paga minimale veteranët e UÇK-së, familjet e dëshmorëve dhe invalidët e UÇK-së.
Ai gjithashtu e ka cilësuar këtë veprim të Muratit si një njollë që do ta turpërojë atë gjatë gjithë jetës së tij.
Postimi i plotë:
Hekuran Murati i ka lënë jashtë pagës minimale tri kategoritë më të lavdishme të shoqërisë sonë:
• Veteranët e UÇK-së
• Familjet e Dëshmorëve
• Invalidët e UÇK-së
Paga minimale është minimumi i të ardhurave me të cilat një familje mund të mbijetojë, pra edhe prej kësaj i ka përjashtuar. Kjo është trashëgimia e tij si ministër – një njollë që do ta turpërojë gjithë jetën.
Si mund të votohet një i tillë për Kryetar të Kuvendit të Kosovës?
