Të rinjtë mitrovicas i dhurojnë Institutit për Hulumtime dhe Studime Islame disa mus’hafe të vjetra

Sot, dy të rinjtë mitrovicas, Arbër Bajgora dhe Kushtrim Isufi, nëpërmes imamit të xhamisë së Haxhi Veselit në Mitrovicë, Asllan ef. Fazliut, i dhuruan bibliotekës së Institutit për Hulumtime dhe Studime Islame, disa mus’hafe të vjetra.

Drejtori i Insitutit, Sabri ef. Bajgora, falënderoi Arbërin dhe Kushtrimin për dhurimin e këtyre mus’hafeve, duke porositur kështu edhe të tjerët që kanë libra të vjetër të trashëgimisë islame që të mos hezitojnë, por t’i sjellin ato tek Instituti.

Këtë kërkesë Bajgora e bëri në mënyrë që të ruhen si trashëgimi dhe që nëpërmes tyre të ndriçohet e kaluara e ndritur e hoxhallarëve dhe ylemave shqiptarë.