Aleksandër Arsenijeviq është tërhequr nga gara për zgjedhjet për kryetar të Mitrovicës së Veriut që do të mbahen më 18 dhjetor.
Lidhur me kandidimin dhe certifikimin e tij gazeta Nacionale kishte raportuar më herët. Arsenijeviq ishte kritik i ashpër i Listës Serbe edhe më herët, dhe mundësia që ai të fitonte ishte e madhe.
Ai ishte i vetmi kandidat serb në Mitrovicë të Veriut nga Iniciativa Qytetare “Srpski Opstanak” (Mbijetesa serbe).
Burime të Indeksonline brenda KQZ-së kanë shkruar për këtë çështje, ndërkohë që Nacionale menjëherë i ka shkruar Arsenijeviqit për ta konfirmuar rastin por deri tash ai nuk ka qenë i qasshëm.
