Turqia bën bashkë kryediplomatët e dy vendeve që janë në luftë (VIDEO)

Ministrat e Jashtëm të Rusisë dhe Ukrainës janë takuar në qytetin bregdetar turk, Antalia.

Sergej Lavrov i Rusisë dhe Dmytro Kuleba i Ukrainës zhvilluan bisedime në margjinat e një forumi të diplomacisë ndërkombëtare këtë javë.

Ata u pritën nga homologu i tyre turk, Mevlut Çavusoglu, derisa ky është takimi i parë i nivelit të lartë midis Moskës dhe Kievit që nga fillimi i pushtimit rus të Ukrainës.

Turqia, e cila ka lidhje të ngushta si me Rusinë ashtu edhe me Ukrainën, ka kërkuar të vendoset si ndërmjetëse midis palëve, shkruan AP.