Foto ilustrim
Një vjedhje e rëndë në tentativë është regjistruar mbrëmë rreth orës 20:15 në rrugën “Shala e Bajgorës” në Mitrovicë, njofton “Mitropol”.
“Dy ankues meshkuj kosovarë, kanë raportuar se kanë parë dy persona duke tentuar të vjedhin materiale të ndryshme bakri”, shkruan Policia e Kosovës në raportin 24 orësh.
Njëri nga të dyshuarit i kishte kërcënuar ankuesit duke u drejtuar një armë dhe pastaj kanë ikur nga vendi i ngjarjes.
Nuk raportohet për të lënduar, gjersa njësitë policore janë duke hetuar rastin./Mitropol/
