2 të vdekur e afërsisht 200 të plagosur në Francë pasi tifozët e PSG festuan fitimin e Champions League

Një 17 vjeçar vdiq në qytetin Dax të Francës pasi u godit me thikë të shtunën mbrëma, ndërsa një 23 vjeçar që po voziste një skuter vdiq pasi u godit nga një makinë në të njëjtën ditë, shkruan Mitropol.

Në mesin e këtyre festimeve, sipas Ministrisë së Brendshme të Francës, u arrestuan 559 persona.

Poashtu, siç njofton BBC, në festimet e dashamirësve të Paris Saint-Germain me 31 maj, u dogjën makina e u prishën strehë të autobusëve, pasi ky ekip fitoi trofeun e parë të Ligës së Kampionëve në historinë e tyre.

“Ministria e Brendshme franceze tha se 192 persona u plagosën dhe 559 persona u arrestuan, përfshirë 491 në Paris.”, njofton BBC.