
Gjatë ditës së sotme pritet organizimi i një proteste para Zyres Ndërlidhëse të Rusisë, në mbështetje të Ukrainës dhe kundër sulmeve ruse, njofton ekskluzivisht Mitropol.
Burime të Mitropol njoftojnë se protesta do organizohet në ora 13:00 në Prishtinë.
Organizatore e protestës është organizata Youth Initiative for Human Rights – Kosovo (Iniciativa Rinore për të Drejtat Njerëzore – Kosovë).
Mbështetje për Ukrainën u ofrua edhe dje nga sheshi i kryeqytetit, ku një numër aktivistësh marshuan me flamuj të Ukrainës./Mitropol/








