Gruaja e heroit Agim Hajrizi – bartëse e listës së GUXO në Mitrovicë
Gruaja e heroit Agim Hajrizi, Afërdita Hajrizi ka njoftuar se do të jetë bartëse e listës së GUXO të kandidatit Faton Peci, shkruan Mitropol.
Ajo ka theksuar se ky hap nuk do të jetë vetëm politikë për të, por një rrugëtim i jetës së saj.
Hajrizi gjithashtu ka thënë se kandidatura e saj për asamblenë komunale do të jetë zëri i atyre që nuk dëgjohen.
” Me guximin që më dha jeta, me plagët që u kthyen në forcë, me shpresën që nuk më shterroi kurrë, unë e shpall kandidaturën time .
Le të guxojmë bashkë ! ” është shprehur tutje ajo në njoftimin e saj.
