Ndihmësdrejtoresha e Zyrës së ashtuquajtur për Kosovën, e ngarkuar me projekte infrastrukturore, Jelena Stojkoviq ka qëndruar sot në veri të Mitrovicës.
Me këtë rast Stojkoviq ka dorëzuar çelësat e banesave të reja për 12 familje në këtë qytet.
Banesat në fjalë janë ndërtuar me fondet e Qeverisë së Serbisë, përmes të ashtuquajturës Zyra për Kosovën.
Këto banesa janë të destinuara për strehimin e çifteve të reja të martuara dhe familjeve të ndryshme
Zyrtarja serbe, Stojkoviq tha se Qeveria e Serbisë po punon për problemin e banimit për serbët.
“Ne do të bëjmë gjithçka së bashku”, shtoi ajo.
